Кіроўцы збіраюцца заблакаваць праспект Незалежнасці ў Мінску 14 красавіка

Арганізатары акцыі «Стоп-бензін-2»: рух па цэнтральных вуліцах будзе перакрыты ў дзесяці гарадах краіны.

У інтэрнэце і сярод кіроўцаў пашыраецца інфармацыя пра акцыю пратэсту супраць павелічэння цэн на бензін і дызельнае паліва. Акцыя адбудзецца 14 красавіка ў Мінску і як мінімум дзевяці іншых гарадах краіны і пройдзе ў два этапы.

Спачатку, а 18-й гадзіне кіроўцы правядуць флэшмоб, заблакаваўшы працу адной з заправак. Аўтааматары будуць запраўляцца на 2–3 л бензіна дробнымі купюрамі.

Такая акцыя ўжо праходзіла падчас кампаніі «Стоп-бензін-1».

Але цяперашняя кампанія вылучаецца новай радыкальнай формай пратэсту.

Кіроўцы збіраюцца ў 19.30 перакрыць цэнтральны праспект кожнага з дзесяці гарадоў. Напрыклад, у Мінску аўтамабілісты пад’едуць з розных бакоў на плошчу Незалежнасці і з уключанымі аварыйнымі агнямі рушаць у бок Нацыянальнай бібліятэкі з хуткасцю 30 км/г. Будзе перакрытая ўся праезная частка, апроч паласы грамадскага транспарту.

Па словах старшыні аргкамітэта па стварэнні грамадскага аб’яднання «За аўто» Арцёма Шаркова, акцыя завяршыцца перадачай зварота кіроўцаў кіраўніку дзяржавы.

Чаму абраная дата 14 красавіка, а не, напрыклад, сёння альбо заўтра? Рэч у тым, што 11 сакавіка, пасля першага павышэння кошту бензіну, кіроўцы перадалі зварот са сваімі патрабаваннямі ў «Белнафтахім», Адміністрацыю прэзідэнта і Савет міністраў. Да 11 красавіка ініцыятары зварота чакаюць афіцыйны адказ, а праз тры дні выязжаюць на акцыю пратэсту.

Патрабаванні кіроўцаў.

1. Прыпыніць рост адпускных цэн на паліва.

2. Дамагчыся прадастаўлення канцэрнам «Беннафтахім» калькуляцыі фармавання адпускных цэн на паліва.

3. Дамагчыся праўдзівага тлумачэння ранейшых падаражанняў.

4. Дамагчыся пазбаўлення «Белнафтахім» манапольнага права на рэгуляванне паліўнай сферы ў Беларусі, што прынясе значнае зніжэнне кошту бензіну.

5. Уключыць прадстаўніка грамадскасці ў якасці назіральніка ў склад камісіі па паліўна-энергетычным комплексе палаты прадстаўнікоў.

6. Стварыць грамадска-кансультатыўную Раду пры Прэзідыуме Савета Міністраў Рэспублікі Беларусь, куды ўключыць прадстаўнікоў грамадскасці, урада, канцэрна «Белнафтахім», палаты прадстаўнікоў, Камітэта дзяржаўнага кантролю і Адміністрацыі прэзідэнта.

Источник.

3 коммента

  1. думаю нечего толком не выйдет к этому времени люди спустят свой пар и как и раньше кто больше кто уже меньше будут ездить на машинах.
    акция стоп бензин. что то типа рок против наркотиков.пчёлы против мёда.водители против бензина

Добавить комментарий

Ваш адрес email не будет опубликован. Обязательные поля помечены *

Solve : *
24 ⁄ 12 =