У Іспаніі больш за мільён чалавек выйшлі пратэставаць супраць працоўнай рэформы


Больш за мільён іспанцаў выйшлі ў нядзелю на вуліцы ў знак пратэсту супраць прынятай на мінулым тыдні урадам Марыяна Рахоя працоўнай рэформы.

У Мадрыдзе на цэнтральнай плошчы Пуэрта дэль Соль і прылеглых вуліцах сабралася не менш за паўмільёна чалавек, у Барселоне ў масавых акцыях пратэсту прымаюць удзел 450000 маніфестантаў, у Валенсіі 80 тысяч.

Арганізатары маніфэстацыі сцвярджаюць, што гэта самая буйная акцыя пратэсту, якая праходзіць у Іспаніі з пачатку 1988 года.

Узгодненная іспанскім урадам працоўная рэформа ўшчамляе правы працоўных. Старшыня ўрада Іспаніі Марыяна Рахой на з’ездзе кіруючай Народнай партыі заявіў, што «працоўная рэформа справядлівая і неабходная для краіны, каб выйсці з эканамічнага крызісу».

Законапраект, прыняты ў мінулую пятніцу, абмяжоўвае выплату кампенсацый пры звальненні работніка. Згодна з законам, працадаўца мае права звольніць работніка з выплатай яму выхадной дапамогі ў памеры 33 дзён за кожны прапрацаваны год, але не больш чым за 24 месяцы.

Раней закон прадугледжваў выплату кампенсацый, эквівалентных 45 днях за кожны прапрацаваны год на працягу 3,5 гадоў.

У выпадку парушэння працоўнай дысцыпліны працадаўца мае права звольніць работніка з выплатай кампенсацыі за 20 дзён і толькі за адзін прапрацаваны год.

У новым працоўным законе ўведзены абмежаванні на заключэнне часовых працоўных дагавораў, тэрмін якіх не можа перавышаць двух гадоў. Па заканчэнні гэтага тэрміну працадаўца абавязаны ўзяць працаўніка на пастаянную працу.

Крынiца.

Добавить комментарий

Ваш адрес email не будет опубликован. Обязательные поля помечены *

Solve : *
33 ⁄ 11 =